Tipa 12th Aug.2022: Vawiin chawhma dar 9:30am khan Dr.K.Beichhua Minister of State I/c Social Welfare, AH& Veterinary ect Gov't of Mizoram chuan, Tipa PHC Damdawiin building sak thar a hawng.
He inkhawm Dr.Lalnunziri CMO Siaha kaihhruaiah hian thusawiin, Minister Dr.K.Beichhua chuan, Mizoram in hri leh thil dang dang avanga hun harsa a tawh mek lai a, Tipa bial mipuite tana Damdawiin tha tak hawn theih a a awm chu lawmawm a tih thu sawiin, he building hi Health Minister in hun remchang a neihloh avanga ama aia a hawng tih a sawi a. Mizoram a Damdawiin hlun ber te zing ami Tipa PHC Damdawiin ah hian, amah leh tuna CMO bakah Mizoram a Doctor lar tak tak te lo thawhna hmun thin a ni a, khang hunlaia he damdawiin sak thar a tul zia suangtuahna a an lo thlir thin chu, tunah amah ngei hawngtu a atang ta chu lawmawm a tih thu a sawi.
Minister Dr.K.Beichhua chuan, he damdawiin hawnnthar tak hian mamawh tam tak ala nei tih a hriat thu sawiin, atah tawkin hnathawktute leh hmanraw dang pawh dah tura sorkar ngen a tum thu a sawi a. Mipuite pawh nitin kan hun hmana hriselna lam hi ngaipawimawh ila, Damdawiin kan mamawhna phawh hi a tlem a rin thu sawiin, medical a hnathawktute chu, damlote tana bial nuam leh mahni hna Pathian in min pek hi thahnemngai leh zuala thawk thin turin a chah bawk.
He inkhawmah hian hunserh hi Upa C.Chawnga'n a hmang a, vantlang aiawhin Pu,K.Lalnuntluanga President MTP Sub Hqrs Tipa in a sawi .
He inkhawmah hian Technical report Jenneth, JE, H&FW Deptt Mizoram aiawhin Pu,Lalhmingliana SDO (C) Tipa in a pe a. He PHC building hi NEDP(2018-2019) a Rs.144.8 lakhs hmangin Zamzo Construction & Consultancy Services Aizawl Mizoram ten an thawk a.Total Floor Area 426.09 sqm ( 4585.03 sqft) a ni a.Component if building : 1) Male Award 2) Nursing Room, 3) Operation Theater, 4) Female Ward, 5) Induction Room, 6) Labour Room, 7) Casualty, 8) X-Ray Room, 9) Consultation room, 10) Nursing changing room, 11) Loboratory, 12) Pharmacy te a awmna ni.
He inkhawm ah hian, Tipa PHC a M.O, Dr.LH.Rosangliana chuan, lawmthusawina hun a hmannhnu ah inkhawmnhi tin a ni a, Damdawiin building thar hawn lawmna ruai kilho nghal a ni.
He damdawiin hawnna inkhawm neih chhung hian, Tipa Eklavy Model Residential school sak mek chu, Pu, Arun Mishra IAS, Secretary Social Welfare & Tribal Affairs Deptt leh Pi, Zodingpuii, IAS, Director, Social Welfare & Tribal Affairs Deptt Gov't of Mizoram ten a hmunah an han en bawk a ni.
