Vawiin August 17, 2022 (Nilai Ni) Chawhma dar 11:00 ah khan District Tobacco Control Cell, Siaha bultumin; Tofei (Tobacco Free Educational Institution) atana District Education Officer Siaha hmalakna a thlan chhuah Zirna In sawm (10) zing a mi, Southern English Comprehensive Academy, New Siaha ah Anti-Tobacco Awareness Programme (Vaihlo ?hat loh zia inzirtirna) hun hman a niin; Tobacco free School atana puan nghal a ni.  Resource person Pi J. Lalthanzuali Social Worker niin, power point presentation hmangin vaihlo chungchang topic hrang hrangah zirtirna ngaihnawm tak ngaihthlak a ni. He hunah hian Vaihlo nihphung chipchiar taka zir ho a ni a, mihring hriselna a tihchhiat nasat dante thlur bingin; Mizoram chu India rama Cancer natna vei tam lamah kan san fal bik dan statistic te tarlan niin; hei hi vaihlo hmang kan tam avanga inkaihhnawih thei a nih dan te sawiho a ni bawk. Vaihlo chu zirlaite hmelma leh zirna tibahlah theitu lian berte zinga mi a nih theihdan tarlan a ni.   Tin, District Mental Health Programme atangin; Pi Jenesy Bohia pawhin rilru hrisel neih theih dan tur kawng hrang hrang zirtirna a pe nghal bawk a. Pamphlets te semin programme hlawkthlak taka hman a ni.