September Ni 11, 2023 (Thawhtan Ni) hian Mizoram State Anti-Tobacco Day Mizoram pumah hman a ni a, Siaha ah pawh District Tobacco Control Cell, Siaha bultumin DMS Hall, District Hospital Siaha ah he ni pual hian hun hman a ni. Kumin thupui hi - "Towards 100% Tobacco Free Educational Institution" tih a ni a. Hei hi MOHFW in May 2024 hma ngeia India ram zirna In zawng zawngte Tobacco Free Institution-a puang vek tura hmalakna a kalpui mek thlir chungin thlan a ni.
Programme-ah hian Dr. Lalnunziri, District Nodal Officer & Sr. Chief Medical Officer chu chairperson a ni a. Chairman-in programme a lo kalte lawmna thusawiin; Pi, J. Lalthanzuali, Social Worker District Tobacco Control Cell chuan Devotion hun a hmang bawk. Thusawi - Pu JB. Chozah, Sr. E.O. (MADC) hnen atangin Tofei hlawhtlinna tura zirtirtute pawimawhna leh Dr. Rosine Hezi, District TB Officer te hnen atangin vaihlo that lohna ngaihthlak a ni. Tin, Pi, S. Laltanpuii, District Consultant chuan Power Point presentation hmangin; Tobacco Free Educational Institution hmalakna chungchanga Zirna In ten an hriat tur leh hmalak dan tur hrang hrang te a tarlang bawk a ni. Tichuan, Dr. S. Vabeilysa, Deputy CMO chuan kalkhawmte chungah lawmthu sawiin programme hi tihtawp a ni.
